احذروا أقوى سبب يؤدي للعنوسة هذه الأيام

السلام عليكم ورحمة الله وبركاته

اشلونكم يا خواتي الحلوات

حبيت أكلمكم في موضوع يتعلق بالعنوسة الله يبعدها عنا أجمعين

ألا وهو : غلاء المهور والطلبات الي لها أول مالها تالي

هذي الأيام مع الأسف الناس قامت تزايد على مهور بناتها ، ناقص كل واحد يمسك بنته
ويصيح "بكم أقول "

وهذا الشي ينفر الشباب ويخليهم يعزفون عن الزواج ، الواحد منهم يقول : من وين أجيب
هذا المهر الغالي ومن وين أوفي كل هالطلبات

والطلبات وما أدراكم يا خواتي ما هذي الطلبات : العرس بأغلى فندق والفرقة الفلانية والمطعم الفلاني والكراسي

لا والحين طالعين بطلعة جديدة يبون حفلة استقبال وحفلة ما أدري شنو وهات يا عريس بالقروض والدين

والله هالشباب ما يلامون يهربون من الزواج ، من وين يوفرون هالطلبات ، بعدين مو كل شاب أبوه
يملك شركات وأرصدة في البنك

وبعدين نقعد نبكي على بناتنا ونقول : عنسوا وطافهم القطار

ويبون بيت أو شقة كبيرة وأثاث من المعرض الفلاني ويبون خدامة ( والاخت ما تشتغل وبعدها ما احملت ) يعتي حتى بدون داعي ويبون سيارات فخمة ويبون ويبون ، كل وحدة ما أدري حور العين
وآنه ما أدري ، وحتى لوكانت ملكة جمال هذا ما يعطيها الحق في انها اتخلي العريس يبدي حياته بديون وقروض حرام جذي

آنه أقول الأخلاق والسيرة الطيبة والوجه المقبول أهم من الماديات ، طبعا يكون قادر على انه يصرف على بيته وعلى زوجته وعياله طبعا هذا شي مطلوب بس بالمعقول .
وأترككم مع هذا الكاريكاتير وأبي رايكم الصريح ومشاركاتكم لا تبخلون علي في انتظاركم

^_^ يا حلوين يعني هاذي مشكله كاني اتكلم على اني بنت ^_^